Bestastir í heiminum!

Enn einn skrifar undir.

Thu, 02 Apr 2009 22:46:19 GMT

Í dag skrifaði Helgi Karlsson undir nýjan samning hjá Kajak. Þetta eru góðar fréttir fyrir stuðningsmenn Kajak en Helgi hefur verið vinsæll meðal stuðningsmanna.

Ertu ánægður að hafa klárað að skrifa undir?

,, Jú ég er mjög ánægður, fínt að vera búin að klára þetta. Hlakka bara til sumarins og get ekki beðið eftir að taka fyrstu tæklinguna á grasinu.”

Tók þetta langan tíma?

,, Ég og Júlli töluðum fyrst saman um áramótin. Það voru engin vandamál varðandi samningin. Hvorugur okkar hafði mikinn tíma til að hittast en um leið og við fengum færi kláruðum við þetta. “

Ertu búin að setja þér persónulegt markmið fyrir sumarið?

,, Sem framherji hlýtur markmiðið mitt að vera skora meira heldur en í fyrra. Hinsvegar er eina sem skiptir máli að liðinu gangi vel því þá er ég sáttur. Ef aðrir skora og við vinnum þá kvarta ég ekki."

Hvernig líst þér á liðið samanborið við liðið í fyrra?

,, Mér líst bara mjög vel á hópinn. Ég er með betri tilfinningu fyrir þessu núna heldur en í fyrra. Þótt við séum búnir að missa einhverja erum við búnir að fá flotta kalla inn. Við erum líka búnir að æfa vel sem skiptir miklu máli.”

Sandgerðinar vilja upplifa að vinna Carlsbergdeildina. Er það raunhæft í ár?

,, Ef menn eru með toppstikkið í lagi og tilbúnir í þetta þá eigum við góða möguleika að gera gott mót.”

Ný síða

Mon, 30 Mar 2009 11:42:47 GMT

Það er komin ný Kajak síða á slóðinni www.123.is/fckajak

Gamall refur kominn í hús.

Mon, 23 Mar 2009 18:58:57 GMT

:d

Í kvöld skrifaði Sigursveinn Bjarni Jónsson undir samning við FC Kajak og mun því spila með okkur í sumar. Þetta er án efa gríðalegur styrkur fyrir Kajak, þar sem Sissi hefur verið einn allra besti leikmaður á íslandi síðustu ár. Sissi eins og hann er kallaður, getur spilað allstaðar á vellinum og býr yfir gríðalegri reynslu sem ætti að nýtast liðinu vel. Sissi spilaði lengst af með Reynir Hnífsdal en hann var þar frá árinu 1996-2006. Síðan þá hefur hann spilað með Þrótt Vogum, Víking Ólafsvík og KA. Sissi á um 200 leiki að baki í efstu deildum og um 50 mörk í þeim.

Júlíus formaður knattspyrnudeildar Kajak var að vonum mjög sáttur og hafði þetta að segja um komu Sissa ,, Ég er mjög ánægður að fá Sissa, þetta er búið að taka 3 vikur síðan við byrjuðum að tala saman. Hann verður mikil styrkur fyrir okkur í sumar. Áhugavert er að þetta skuli gerast á afmælisdeginum mínum. Þetta er tvöföld hamingja fyrir mig og Kajak." Sagði Júlli léttur í lund.

Sissi hafði þetta að segja um að vera komin í Sandgerði ,, Ég er mjög ánægður með að vera kominn og hlakka mikið til að byrja spila með Kajak."

Þegar hann var spurður hvar hann kæmi til með að spila í sumar sagði hann: ,, Ég spila bara þar sem þjálfarin setur mig, vörn, sókn eða miðju skiptir ekki máli, bara þar sem ég nýtist best.”

Byrjar þú strax að æfa með liðinu?

,, Já eg byrja strax að æfa með liðinu."

Hvernig formi ert þú í núna?

,, Ég er ekki í mjög góðu formi eins og er kannski svona 60-70%, ég er allveg 100% að ég verð komin í gott form fyrir fyrsta leik sem er eftir 50-60 daga. Ég er búin að vera æfa sjálfur og spila smá og hef núna þennan tíma til að komast í gott stand.”

Eitthvað sem þú vilt segja við stuðningsmenn FC Kajak?

,, Bara númer 1,2 og 3 bara mæta á leiki og styðja liðið, það er gott fyrir okkur leikmennina og kemur til með að hjálpa okkur mikið í sumar. Þetta er spennandi verkefni og gott fyrir bæjarfélagið að standa saman í þessu.”

Nýjir leikmenn.

Sun, 22 Mar 2009 18:58:14 GMT

2 leikmenn skrifuðu undir samning við Kajak í gær.

Sigurður Freyr Helgason skrifar hér undir.

Sveinn Vilhjálmsson nýbúinn að skrifa undir samning.

Æfingaleikur

Fri, 20 Mar 2009 22:03:18 GMT

Það verður æfingaleikur á Framvellinum á sunnudaginn kl.14:30 Mæting kl.14:00 í síðasta lagi. Leikurinn er á móti liði sem heitir Heiða í Dal og eru þeir nýliðar í Carlsbergdeildinni. Spilað verður á hálfum velli (7 manna). Við þurfum að borga 2500 kr. á móti þeim í vallargjald þannig að takið 300 kr með ykkur!
Hverjir ætla að mæta?
P.S. Ég minni á Kajak-djammið á mamma mía á laugardagskvöldið, 1000 kall inn.

Formannafundur 3. apríl 2009

Tue, 17 Mar 2009 22:48:19 GMT

Höf. Ólafur Garðarsson

Fundur með forsvarsmönnum félaganna verður kl. 19:30 föstudaginn 3. apríl.
Þar eiga öll lið að gera upp þátttökugjaldið og einnig greiða tryggingagjaldið.
Posi er á staðnum ef með þarf.
Fundurinn verður í nýja Leiknishúsinu, Austurbergi 1, við bestu aðstæður.

Síðan verða almennar umræður og dregið í riðla í Carlsbergdeildinni.
Einnig verður dregið í Bikarkeppninni og verður það eini drátturinn í þeirri keppni.
Sett verður upp oddaplan(eins og gert er á HM, Gothia Cup, í tennis o.fl.) og verður þá hægt að sjá að sigurvegarar í leik #12 mæta sigurvegurunum í leik #13.
Verður það sýnt betur á fundinum.

Ástæðan fyrir þessum fundi er að færa Carlsbergdeildina einu þrepi ofar og gera hana meira ‘professional’ ef svo má að orði komast. Fá fram fyrirspurnir/tillögur og svara þeim í allra eyru.
Einnig gefa forystumönnum liðanna tækifæri á að hittast og spjalla.
Nú er betra tækifæri en áður, því nú höfum við nýtt hús og flotta búningsklefa.
Tveir búningsklefar verða alltaf til ráðstöfunar fyrir liðin þegar þau koma til keppni og frábærar sturtur.

Líklega verður tekið upp nýtt tölvuforrit til þess að halda utan um Carlsbergdeildina.
Það gamla er orðið doldið þreytt og mun það nýja verða byggt á góðu punktunum úr því.
Ef vel tekst til þá mun vefstjóri Carlsbergdeildarinnar og hönnuður forritsins verða til staðar og kynna forritið á fundinum.

Kv.
Óli Garðars

Listi yfir þau lið sem taka þátt í sumar í Carlsberg

Tue, 17 Mar 2009 22:47:19 GMT

Höf. Ólafur Garðarsson

Nýju liðin eru stjörnumerkt. (*)
Sum þeirra eru ekki alveg ný á nálinni í Carlsbergdeildinni, en eru komin aftur eftir smá hlé.
Ég vil benda mönnum á Innri fegurð, sem hafa verið með frá byrjun! Öðlings öldungar þar á ferð. Fast á hæla þeirra koma svo FC Kajak:haha: og Hvatur.

Aðföng(vinnuheiti)*
Bananar
Bananas Ananas*
Boot Camp
BOS
Brostnir draumar*
Fart Attack
FC Grettir
FC Kajak
FC Miroslav
FC Pump
Ginola
Ginos*
Grænu djöflarnir*
Gulldrengirnir*
Hasselhoff*
Heiða í Dal*
Hómer*
Hvatberar
Hvatur
Innri fegurð
ÍK
Íslandspóstur*
KF Frómas
KF Mjöðm
Knattspyrnuklúbbur Kópavogs*
Lake United
Llama Athletic Club*
Mannsi FF
Melsted Utd*
Premier FC
Prins Valiant*
Puma*
Real Dedos
Slökkviliðið
Strumparnir*
Team Lebowski
UA FC*
Ungmennafélagið Drekinn*
WINK 22:00

Suðurnesja stoltið!!

Mon, 16 Mar 2009 19:06:42 GMT

Jæja þá er riðlakeppnin í glóðarmótinu búinn og enduðum við efstir í riðlinum og spilum úrslitaleik á móti geirfuglunum :p

Staðan fyrir leikinn var þannig að Kajak og Geirfuglarnir voru med 4 stig hvor, Kef FC voru með 3 stig og FC Keppnis voru í síðasta sæti með 0 stig, þannig að okkur kajak mönnum dugði jafntefli til að komast í úrslitaleikinn.
Það byrjaði ekki vel hjá okkur og eftir hálftíma leik vorum við komnir í 2-0 undir og útlitið ekki bjart hjá Sandgerðingunum knáu hehe :D Fyrra markið kom eftir vítaspyrnu þar sem að Andrés sópaði kef fc mann niður inní teig. Og seinna markið kom eftir góða rispu upp vinstri kanntinn ;) Það var nokkuð ljóst að við þurftum að girða okkur í brók ef við ætluðum að fara alla leið í úrslitin! Marinó Oddur kom inná í stöðunni 2-0 og breyttist leikurinn til muna, við minnkuðum muninn í 2-1 þegar Heiðar átti góða sendingu á Helgi Karlsson sem slapp í gegn en lét markmanninn verja hjá sér, en með mikilli baráttu náði hann að pota boltanum fyrir mark andstæðingana þar sem að hinn eini sanni Pétur Þór Jaidee kom á sprettinum og skoraði í autt markið! Það var svo rétt fyrir lok fyrri hálfleiks sem að Heiðar átti þessa frábæru sendingu á Pétur Þór sem tók boltann vel niður sólaði varnarmann Kef FC og skoraði með marki fyrir utan teig, staðan orðin 2-2 og allt opið ennþá!! Seinni hálfleikurinn spilaðist voða rólega fyrstu mínúturnar þar sem að bæði lið máttu ekki við neinum mistökum, en þegar líða tók á leikinn voru leikmenn kef fc í sókn og kom sending inn í teiginn og braut Birkir Freyr Sigurðsson á Reyni Þór Valssyni fyrrum leikmanni FC Kajak inn í okkar teig, og tók hann sjálfur vítið og skoraði med þrumuskoti á mitt markið.
Staðan orðin 3-2 Kef FC í vil, stuttu seinna geistust leikmenn Kajak í sókn og endaði með þrumuskoti Sigurðar Freyr Helgasonar (Didda) í slánna og niður eftir viðkomu í varnarmann. Þegar um 15 mínútur voru eftir af leiknum fékk Helgi karlsson góða sendingu upp kantinn og keyrði inn að markinu, gaf boltann fyrir á Pétur Þór sem plataði 2 leikmenn kef fc í teignum og skoraði og fullkomnaði þrennuna :D Frábært hlaup hjá Helga og vel klárað hjá Pétri :D Staðan orðin 3-3 og við í góðum málum. Rétt eftir markið komst Reynir Þór í gegnum kajak vörnina og var einn á móti Aroni Viðarssyni sem gerði vel í því að verja hjá honum og kom í veg fyrir að þeir myndu ná forystu. En þegar um 2 mínútur voru eftir af leiknum gaf Ómar Sigurðsson boltann á Rúnar Gissurarson á eigin vallarhelmingi og vippaði boltanum laglega yfir andstæðinginn og þrumaði honum í fyrsta innfyrir á hvern annan en Pétur Þór Jaidee sem slapp einn í gegn og skoraði og gulltryggði okkur áfram í úrslitaleikinn, og komin langt með að tryggja sér gullskóinn í mótinu, enda kominn með 6 mörk í 3 leikjum.
Frábær sigur Kajakmanna staðreyndur og komnir í úrslitaleikinn sem fer fram í reykjaneshöllinni 28 mars, og hvertjum við sem flesta Sandgerðinga til að mæta og fylgjast með, því að okkur veitir ekki að stuðningi!! :D en það kemur í ljós seinna klukkan hvað hann verður, og verður það auglýst síðar :)

ÁRSGJALDIÐ!!

Sun, 01 Mar 2009 23:40:15 GMT

Jæja STRÁKAR, við þurfum að borga staðfestingargjald fyrir Carlsbergdeildina fyrir 5.mars þannig að þið megið endilega borga ársgjaldið sem er 3000 kr. fyrir þann tíma. Þið getið lagt inná kt.0809795689 banka 310-26-5689

Það eru 4 búnir að borga, drífa sig nú og leggja inn!! Annars verðum við bara ekki með í mótinu í sumar!

Glóðar-bikarinn

Sun, 01 Mar 2009 20:30:34 GMT

Well boys, það gengur ágætlega í mótinu hjá okkur. Við gerðum jafntefli í fyrsta leik gegn Geirfuglunum 2-2 Teddi og Helgi skoruðu þar.
Og í dag unnum við svo FC Keppnis 2-1 þar sem að PJ skoraði bæði. Endilega veljið mann leiksins í báðum leikjunum.

Næsti leikur í mótinu er svo sunnudaginn 15.mars kl.15 á móti FC Kef

Við stefnum að því að fá æfingaleik næsta sunnudag kl.19 í Hafnarfirði, meira um það síðar.

Ársgjaldið

Fri, 27 Feb 2009 22:01:23 GMT

Jæja boys, styttist í mánaðarmótin. Við þurfum að borga staðfestingargjald fyrir Carlsbergdeildina fyrir 5.mars þannig að þið megið endilega borga ársgjaldið sem er 3000 kr. fyrir þann tíma. Þið getið lagt inná kt.0809795689 banka 310-26-5689 eða komið með pening í leikina um helgina.

Kv. Júlli

Geirfuglamótið.

Tue, 24 Feb 2009 23:07:56 GMT

Hér geta menn commentað um Geirfuglamótið sem að hefst á laugardaginn 28.febrúar með leik Geirfugla og FC Kajak kl.16:00 í Reykjaneshöllinni.

Fyrsti leikur ársins.

Mon, 23 Feb 2009 12:37:08 GMT

Kajak menn spiluðu í gær æfingaleik í Hafnarfirði við lið Lama. Leikið var í 2x45 mín á stórum velli. Leikurinn endaði 8-2 í auðveldum sigri Kajak-manna. Ómar skoraði 3, Teddi 2, Aron 2 og PJ 1. Þess má geta að hinn klikkaði Marri Maradona fékk rautt spjald á síðustu sekúndu leiksins.
Byrjunarlið Kajak: Bergsteinn, Júlli, Fannar, Aron R, Stefán, Olivier, Ómar, Rúnar, PJ, Haukur og Marri. Teddi og 2 lánsmenn úr hinu liðinu voru á bekknum.

Ég er að spá í að hafa þá nýbreitni að menn velji Mann leiksins eftir hvern leik á síðunni, og svo í lok tímabils verður sá sem er oftast kosinn Maður leiksins, Leikmaður ársins. Þannig að endilega commentið á það.

Æfingaleikur

Wed, 18 Feb 2009 15:43:50 GMT

Það verður æfingaleikur á sunnudaginn kl.18 á gervigrasinu í Kaplakrika(úti).
Hverjir mæta?

Æfingaleikur?

Wed, 11 Feb 2009 18:47:15 GMT

Sælir, ég auglýsti eftir æfingaleik um daginn og það var hringt í mig í dag og spurt hvort við værum til í að spila við nýtt lið í Carlsbergeildinni. Ég get örugglega reddað tíma í Risanum í Kaplakrika. Hvernig líst ykkur á??